საჩვენებელი ღონისძიება - „ქალის მსუბუქი ტანსაცმლის კერვა“
2026 წლის 15 ივნისს, პროფესიულ კოლეჯ „სახელობო სკოლაში“ პროფესიული მომზადების პროგრამის - „ქალის მსუბუქი ტანსაცმლის კერვა“ - ფარგლებში, საჩვენებელი ღონისძიება გაიმართა, რომლის მიზანი სასწავლო პროცესში მიღებული პრაქტიკული გამოცდილებისა და შექმნილი ნამუშევრების წარმოდგენა იყო.
ღონისძიების ფარგლებში მსმენელებმა კოლეჯის ადმინისტრაციის წარმომადგენლებსა და პროგრამის განმახორციელებელ პირს საკუთარი ხელით შეკერილი ნამუშევრები წარუდგინეს. მათ ასევე ისაუბრეს სამკერვალო საქმიანობის პრაქტიკულ ასპექტებზე, გამოყენებულ ტექნიკებსა და სასწავლო პროცესში მიღებულ გამოცდილებაზე.
პროგრამის მომდევნო ეტაპზე მსმენელები საწარმოო პრაქტიკას კოლეჯის პარტნიორ ორგანიზაციაში,- პრემიერა ტმ-ში გაივლიან, სადაც შესაძლებლობა ექნებათ კიდევ უფრო განიმტკიცონ პროფესიული უნარები, გაიღრმაონ თეორიული ცოდნა და რეალურ სამუშაო გარემოში მიიღონ მნიშვნელოვანი პრაქტიკული გამოცდილება.
Log into Messenger