2012 წლის 7 ივლისს, წმინდა ექვთიმე ღვთისკაცის სახელობის პროფესიული საგანმანათლებლო კოლეჯის გიდის სპეციალობის პროფესიული სტუდენტები სასწავლო-საწარმოო პრაქტიკაზე სამცხე-ჯავახეთში გაემგზავრნენ. მორიგი ტურისტული მარშრუტი მოიცავდა ვარძიის სამონასტრო კომპლექსის, ხერთვისის ციხისა და საფარის მონასტრის მონახულებას.
აღნიშნული პრაქტიკები პროფესიულ სტუდენტებს დაეხმარება რეალურ ცხოვრებაში გამოსცადონ აკადემიურ გარემოში შეძენილი კომპეტენციები.
2012 წლის 6 ივლისს, წმინდა ექვთიმე ღვთისკაცის სახელობის პროფესიული საგანმანათლებლო კოლეჯის გიდის სპეციალობის პროფესიულმა სტუდენტებმა წარმოადგინეს საქართველოს სხვადასხვა კუთხის ღვინის ტურები. ასევე დეტალურად ისაუბრეს ქართული ღვინის ისტორიასა და მეღვინეობის უძველეს ტრადიციებზე. აღნიშნეს, რომ ღვინის ტურიზმი სულ უფრო პოპულარული ხდება საქართველოში, რომელიც ტურისტებს საშუალებას აძლევს ეწვიონ ღვინის კომპანიებს, საქართველოს სხვადასხვა კუთხეში მოინახულონ ადგილობრივი მაცხოვრებლების მარნები, დაათვალიერონ ვენახები და მონაწილეობა მიიღონ რთველში.
012 წლის 23 ივნისს, წმინდა ექვთიმე ღვთისკაცის სახელობის პროფესიული საგანმანათლებლო კოლეჯის გიდის სპეციალობის პროფესიული სტუდენტებისთვის, სასწავლო-საწარმოო პრაქტიკით გათვალისწინებული მორიგი მარშრუტი კახეთში, ლაგოდეხის სახელმწიფო ნაკრძალში ჩატარდა.
კოლეჯის სტუდენტებმა პედაგოგებს გიდობა გაუწიეს და აღნიშნეს, რომ ლაგოდეხის ნაკრძალის ფლორა და ფაუნა ერთ-ერთი ყველაზე მდიდარია მთელი კავკასიის მასშტაბით, აქ შესაძლებელია სხვადასხვა ტურების ორგანიზება: ფრინველებზე დაკვირვება, ისტორიულ-კულტურული ტურები, სამოყვარულო თევზაობა, ტურები ფოტო მოყვარულთათვის და კემპინგი.
წმინდა ექვთიმე ღვთისკაცის სახელობის პროფესიული საგანმანათლებლო კოლეჯის გიდის სპეციალობის პროფესიული სტუდენტები რამდენიმე თვეა სასწავლო-საწარმოო პრაქტიკებს საქართველოს სხვადასხვა კუთხეში გადიან.
მორიგი ტურისტული გასვლა იმერეთში მოეწყო. სტუდენტებმა პედაგოგებთან და კოლეჯის ადმინისტრაციასთან ერთად მოინახულეს სასწავლო პრაქტიკით გათვალისწინებული ისტორიული და ხუროთმოძღვრული ძეგლები: უბისის მონასტერი, ბაგრატის ტაძარი, გელათი, მოწამეთა, პრომეთეს მღვიმე.
