19 მარტს კოლეჯის სააქტო დარბაზში ჩატარდა სემინარი თემაზე ,,შეზღუდული შესაძლებლობის მქონე პირები“. სემინარს ესწრებოდნენ კოლეჯის სტუდენტები, პედაგოგები და ადმინისტრაცია.

სტუდენტებმა კარგად მოირგეს სხვადასხვა სფეროს მოწვეული სპეციალისტების როლები. სემინარის წაყვანას წარმატებით გაართვა თავი კორესპონდენტების ჯგუფის სტუდენტმა ეთერ სულაბერიძემ. შეხვედრა მიმდინარეობდა კითხვა-პასუხის, დისკუსიის რეჟიმში, აჩვენეს ვიდეორგოლები განსაკუთრებული საჭიროების მქონე ადამიანებზე.

აღნიშნული სემინარი შეადგენდა სასწავლო პრაქტიკის ნაწილს და შემდეგშიც გაგრძელდება.

2015 წლის 6 თებერვალს წმ. ექვთიმე ღვთისკაცის სახელობის პროფესიულ-საგანმანათლებლო კოლეჯში ტუბერკულოზის სამკურნალო ცენტრიდან მოწვეულმა მაღალკვალიფიციურმა ექიმებმა წაიკითხეს საინფორმაციო-საგანმანათლებლო ხასიათის ლექცია სახელწოდებით ,,რა არის ტუბერკულოზი?“

შეხვედრას ესწრებოდნენ კოლეჯის სტუდენტები, პედაგოგ-მასწავლებლები, ადმინისტრაციის წარმომადგენლები. ლექციის საინფორმაციო ნაწილი გაგრძელდა სტუდენტებთან კითხვა-პასუხის რეჟიმში.

წმ. ექვთიმე ღვთისკაცის სახელობის პროფესიულ-საგანმანათლებლო კოლეჯში 2015 წლის 20-დან 23 იანვრის ჩათვლით ჩატარდა პირველი შუალედური გამოცდები შემდეგ სპეციალობებზე: ოფისის მენეჯერის, კორესპოდენტის, ბუღალტერიის, მემინანქრის.

გამოცდების მიმდინარეობისას გამოიკვეთა კოლეჯის ადმინისტრაციის, პედაგოგიური კოლექტივისა და სტუდენტების მხრიდან დაკისრებული საქმისადმი პასუხისმგებლური დამოკიდებულება.

2014 წლის 9 დეკემბერს წმინდა ექვთიმე ღვთისკაცის სახელობის პროფესიულ-საგანმანათლებლო კოლეჯში, კოლეჯის დირექტორის თხოვნით და მოწვევით, მობრძანდა მღვდელმონაზონი მირიანი (შენგელია). დალოცა სტუდენტები, პედაგოგები, ადმინისტრაცია. გადაიხადა ღვთისმშობლის პარაკლისი, ჩაატარა ზეთისცხება და გადაიხადა მიცვალებულთა მოსახსენიებელი პანაშვიდი.